Am 07:00 hei mer üs vom Postparkplatz us uf de Wäg zu de Südwänd gmacht.
Nach dr Fahrt on dem ahschliessende schweisstribenden Ufstig hei mir üs i Seilschafte ufteilt.
En Chlätterschueh isch aber de Hang abepurzlet (Alex !) aber zum Glück isch är nach dr erfolgriche Bärgig (Dario !) met em glückliche Bsitzer (Alex !) wieder vereint gsi. Jetzt hei mer chöne id Wand ihstiege. Trotz dr emmer stercher bränntende Sunne hei mehr d`Seillengenie chönne gnüsse. Nach siebe Lengine hei mehr die ersti Pouse gmacht. Früsch gstercht hei mer denn die letzte drü Seillengine i Ahgriff chönne neh. De zum Schluss si mer de ned wörkli schön Abstieg abe glofe, wele sich rächt id Lengi zoge het.
Bericht: Jo, Zoe, Malin, Luca