Am 7bni
hemmer is am Bahnhof Zofige troffe. D` Ursina de Christian de Michi de Aaron ond Ig.
Nach de gschponserete Gipfeli vom Michi sim Mueti hät jo eigentlech alles sölle
rond loufe..........aber de Zog esch ned cho. Mer hend 20min. gwardet bes er ändlech cho
esch. Auso semmer de chli verspötet of Schwande em Glarnerland cho. Denn esches
met em Bus z` doruf zo de Thalstation gange. Denn met em Bähnli ufe of d`
Mettmenalp. E ¾ stond semmer denn ou scho be de Huushöche Felsblöck gsi. Dä
Fels esch eifach perfekt zom Chlädere. Ond gäge Obe hend alli no es 7-
gchläderet. Denn hemmer euis langsam uf gmacht rechdig Naturfreundehaus
Mettmen. Mer hei e Schlag gha för üs elei. Met decke warme Dechine. Am 6i hets
de Znacht gäh. Härdöpfustock met Rüebli ond Ärbsli ond Fleisch u Sose.
Wonderbar. Nach Uno ond em Charte ufenand ufe stable, wo Ig ond de Aaron
verlore hend semmer de ou scho langsam is Bett. Chrrrrrrr.......
Rechdig
usgschlofe hemmer am 8i zmörgelet. Chäs u Brot, Anke o Gomfi hets gä. Wöu i ond
de Aaron speli verlore hend hemmer müese s`Seili träge. Em ganze hets 150
Routene, mer hend also no vell zom chlädere! Mer se auso eifach druflos g`
Chläderet, bes eus d Fenger so weh do hend das mer gar nöm rächd hend chönne.
De Fels esch drom mega scharf gsi. Öbe am 14.30 Uhr semmer de abe gloufe ond
hei gfahre. Das esch wörkli es mega giga ultra cools schöns Wochenänd gsi.
Mäthu