Samstag, 18. Oktober 2025

Troffe händ mer üs dasmol ned so früe,
aber us em Bett cho send doch met vel Müeh.

Am Bouldergebiet Chironico send mer acho,
und die erste Boulder send dracho.

D Simone het sech weder e mol zo üs vererrt,
und het d Route angluegt ganz verwerrt.

Id JO cho esch zemlech schwär,
denn sie esch em Militär.

Mer hei üsi Arme brucht,
und s Magnesium verbrucht.

Mer send gwanderet zo emene neue Block,
deruf händ mer Bock.

Uspaueret hei mer üs am Öberhang und am Sprung,
das esch gar ned so dumm.

De Dario seit mer chli me Schwung,
Bem Sprung.

Hut hei mer nor no weni,
vor allem am Cheni.

Zält ufgstellt hämmer,
und s choche bruche es bezeli länger.

Es Sofa hei mer baut,
und denn esch es worde rächt chaut.

Igschlofe send es paar,
das esch doch wonderbar.

Sonntag, 19. Oktober 2025

D Simone üses Gebortstagschend,
esch so gschwend wie de Wend.

D Zält hei mer zäme gruhmt,
das het het üsi Boulderzit versuhmt.

Ufegloffe send mer met schnällem Schrett,
em erste Sektor send vermoset gsi alli Trett.

Durch de Tessinerjungle musste mer üs wage,
nör es paar hei sech müesse becklage.

De nöchsti Sektor hei mer doch no gfonde,
und scho döt send die erste Sandwich em Buuch verschwonde.

Aschlüssend händ mer gässe de Simone ehre Gebortstagschueche,
denn hei mer be de Route afo rueche.

Dönner worde esch üsi Hut a de Fenger,
s chlättere esch aber Gange emmer renger.

Üsi Leistig a de Platte esch öberhaupt ned schlaff,
und de Dario esch dunde ganz baff.

Jetzt send mer uf de Heifahrt,
und träume scho vom nächste Toure-Start.

Text: Zoe, Malin, Fiona, Dario und Liv